إهداء:
إلى الشيخ ياسين…
رغم أنني لا أتفق مع العمليات التي تستهدف المدنيين مهما كانوا إلا أن المظلوم قد يبرر فعله و لكن الظلم لا يمكن تبريره.
قتلتم ياسين/ أحسن/ أرحتم دماغنا/خيرا فعلتم/ فلا نحن أهل لهذا الشهيد/
ولا هو ناقص برودنا وفراغنا
وليه بس سبتم / تطير الحمامة/ و تعلى لفوق/ و ينبت في ريشها جناح الكرامة/ ياخدنا لفوق /ترفرف آمالنا على كل مينا /ونحلم نصلي في مرسى نبينا/ونمشي ف طريق الآلام ……بالسكينة/لحد منوصل لمينا السلامة/ و لحظة هدوء /ولما لمحنا بعينا العلامة / وقلنا نفوق /دبحتم في لحظة قصادنا الحمامة /و سالت آمالنا /نزلنا ندوق أكلنا و شبعنا و….و شبعنا و أكلنا /و لا يوم سألنا /إيه دة اللي أكلنا؟ /أكلنا نبينا /و أكبر سفينة
في بحر الظلام
ملاحظة أخيرة : يا عالم رجاء/ سيبونا في حالنا /سيبونا ف أمان /خلاص احنا متنا /و صلوا علينا
يا ناس من زمان.
